Plantun de Prouvènço

Pèr coumpara dos planto d'encò nostre

Caltha palustris & Leucanthemum virgatum

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Margarido(-en-bagueto)

Leucanthemum virgatum

Asteraceae Compositae

Nom en français : Marguerite en forme de baguette.

Descripcioun :
Aquesto margarido, emé d'enflourejado sènso ligulo, es uno planto endemico dis Aup marino. S'atrobo pèr camin, dins lis ermas e li cauprenedo. Trachis en mato paure emé de lòngui cambo gaire ramificado que retoumbon. Li fueio soun en lanço e dentado (fotò). Apoundèn que lou fru a ges de paro-toumbant (pappus).

Usanço :
Soun bessai li mémis usanço que la margarido-di-prat, mai avèn ges d'entresigne segur. Escriéure au site se n'en sabès mai.

Port : Erbo
Taio : 30 à 80 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Leucanthemum
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Remarco : Endemico Aup marino e Ligurìo
Mai à setèmbre

Liò : Camin - Ermas - Cauprenedo
Estànci : Mesoumediterran à Mountagnard
Couroulougi : Ouroufito-Sud-Ouèst-Aupenco
Ref. sc. : Leucanthemum virgatum (Desr.) Clos, 1870

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Leucanthemum virgatum

ges

Coumpara Gauche-d'aigo emé uno autro planto

Coumpara Margarido(-en-bagueto) emé uno autro planto